सोलुखुम्बु, श्रावण १४ गते । सोलुखुम्बुको सोताङ गाउँपालिका वडा नं. ५ गणेश राईको घरमा तास खेलि रहेका ४ जनालाई ठुलो परीणामको नगद सहित पक्राउ गरिएको छ ।
राईको घरमा तास खेलिरहेको भन्ने बिशेष सूचनाका आधारमा ईलाका प्रहरी कार्यालय सोताङबाट खटिएको प्रहरी टोलीले तास खेलिरहेको अवस्थामा सोताङ गाउँपालिका वडा नं. ४ कोदुर्गा प्रसाद राई, सोताङ गाउँपालिका वडा नं. २ को दुर्गा प्रसाद राई, थुलुङ दुधकोशी गाउँपालिका वडा नं. ७ को दिपक राई र फ्रेमराज राईलाई पक्राउ गरेको थियो ।
तासको खालबाट प्रहरीले नगद १४ लाख ६५ हजार र ३४ बर्षीय दुर्गा प्रसाद राईको नाममा रहेको चेकमा दिपक राईको नाम उल्लेख गरी ३ थान चेकमा ८ लाखको दरले र १ थान चेकमा ५ लाख रुपैयाँ लेखी सही गरेको ४ थान चेक सहित २९ लाख समेत बरामद गरेको छ ।
पक्राउ परेका चारै जनाको सम्बन्धमा थप अनुसन्धान भई रहेको जिल्ला प्रहरी कार्यालय सोलुखुम्बुले जनाएको छ ।