भोजराज घिमिरे/ विराटनगर, श्रावण २० गते । मोरङ चेम्बर अफ कमर्सको साेमबार भएकाे तेस्रो अधिवेशन तथा छैठौं साधारण सभाबाट शिवप्रसाद रिजाल सर्वसम्मत अध्यक्ष पदमा निर्विरोध निर्वाचित भएका छन् ।
त्यसैगरी उपाध्यक्षमा घनश्याम कवरा र तुलसी प्रसाद पोखरेल, महासचिवमा कृष्ण प्रसाद दाहाल, सचिवमा हरिबहादुर श्रेष्ठ, कोषाध्यक्षमा मनोज कुमार मिश्र र सह-कोषाध्यक्षमा देवेन्द्र बहादुर बस्नेत निर्वाचित भएका छन् ।
सदस्यहरूमा अञ्जली देवी श्रेष्ठ, विजय सुरना, दुर्गा रेग्मी, जुगल किशोर राठी, विकास लालवानी, रितेश खनाल, सीता देवी अधिकारी लामेछाने, सुरेश कुमार भट्टराई, सुवास प्रसाद रिजाल र चिरञ्जीवी पराजुली रहेका छन् ।
नव निर्वाचित सम्पूर्ण पदाधिकारी तथा सदस्यहरूलाई निवर्तमान अध्यक्ष यदव पोखरेलले अबिर र माला लगाएर बधाई दिएका थिए । उनले नयाँ नेतृत्वप्रति विश्वास व्यक्त गर्दै कार्यकाल सफल, सशक्त र व्यवसाय मैत्री हुने वताए ।
निर्वाचन अधिकृतको रूपमा वरिष्ठ अधिवक्ता सुरेश लाल श्रेष्ठले निर्वाचन परिणामको औपचारिक घोषणा गरेका थिए ।