रंगेली, श्रावण २१ गते । रंगेली नगरपालिका वडा नं ५ अन्तर्गत जेनपुर सहकारी संस्थाले डीएपी मल वितरण मल अनियमितता गर्दै पत्रकार माथि दुर्व्यवहार गरेका छन । मल आएकाे सूचना पाएपछि स्थानीय किसानहरू राति ३ बजे राति नै अविरल वर्षाका बाबजुद लाइनमा बसेका थिए। करिब ७–८ घण्टा लामो प्रतीक्षापछि बिहान ७ बजे वर्षा भइरहेको बेलामा किसानहरूले नागरिकताको प्रतिलिपि सहकारीमा बुझाएका थिए । वर्षा रोकिएसँगै मल वितरण कार्य प्रारम्भ गरिएको थियो ।

वडा कार्यालयको स्पष्ट निर्देशन अनुसार प्रत्येक किसानलाई २५ किलो डीएपी मल दिने भनिए पनि जेनपुर सहकारीका अध्यक्ष धर्मेन्द्र मण्डलले उक्त निर्देशन विपरीत आफ्ना आफन्त नातागोताका व्यक्तिलाई १ देखि २ बोरा मल वितरण गरेका अनियमितता गरेकाे स्थानीयहरूले वताउँछन ।
स्थानीय पत्रकार सुरेन्द्र मण्डलले मल वितरणकाे अनियमितता बारे सहकारीका अध्यक्ष मण्डलसँग जानकारी माग्दा अनियमितताबारे जानकारी दिनुकाे सट्टा नाना थरीका अपशब्द प्रयोग गरी दुर्व्यवहार गरेका एक स्थानीयले वताए । पत्रकारलाई दुर्व्यवहार हुनु भनेकाे प्रेस स्वतन्त्रता माथिको हमला मात्र नभई किसानकाे अधिकार र सामाजिक न्यायप्रति अपमानजनक व्यवहार भएकाे स्थानीयकाे भनाइ छ । यस्तो कार्यकाे सम्बन्धि निकायले छानवीन गरी दाेषी उपर कारवाहीकाे स्थानीयले माग गरेका छन ।