दिलीप अग्रवाल
रंगेली, श्रावण २२ गते । पब्लिक माध्यमिक विद्यालय, रंगेली–६ मा बिहीवार आयोजित विशेष सम्मान कार्यक्रममा पूर्व शिक्षिका तथा रंगेली वडा नं. ७ निवासी श्रीमती सुनिता ओझालाई शैक्षिक वृत्तिमा उल्लेखनीय योगदान र विद्यालयको अक्षय कोषमा आर्थिक सहयोग प्रदान गरेकोमा दाता सम्मान प्रदान गरिएको छ।
ओझाले विद्यालयको अक्षयकोष सुदृढीकरणका लागि १ लाख १ हजार १ सय ११ रूपैयाँ विद्यालयलाई हस्तान्तरण गरेकी हुन् ।
ओझालाई दोसल्ला ओढाई, सम्मानपत्र प्रदान गरी सम्मानित गरिएको थियो। साथै, उहाँद्वारा अचयकोशका लागि प्रदान गरिएको सहयोग रकम पनि औपचारिक रूपमा विद्यालयलाई हस्तान्तरण गरिएको थियो।
विद्यालय प्रशासनका अनुसार उक्त सहयोग रकम शैक्षिक सामग्री, स्रोत साधन तथा विद्यार्थीमैत्री सिकाइ प्रक्रिया विकासमा प्रयोग गरिनेछ।
उक्त सम्मान कार्यक्रम रंगेली नगरपालिकाका उप–मेयर भुमा पराजुली प्रमुख अतिथि भएकाे थियो । वि.सं. २००८ मा स्थापना भएको पब्लिक माध्यमिक विद्यालयको आयोजनामा सम्पन्न कार्यक्रममा रंगेली नगरपालिकाका उप–मेयर भुमा पराजुली प्रमुख अतिथि, पुनम सापकोटा विशिष्ट अतिथि रूपमा रहनुभएको थियो ।
कार्यक्रममा वक्ताहरूले पूर्व शिक्षिका ओझाको सैछिक समर्पण, दीर्घकालीन योगदान, र स्रोत व्यवस्थापनमा पुर्‍याएको सहयोगको उच्च प्रशंसा गरे। उनीहरूको भनाइमा, यस्ता समर्पित शिक्षकहरूले समाजमा सकारात्मक सन्देश दिन्छन् र भावी पुस्तालाई प्रेरित गर्ने बताएका थिए ।
कार्यक्रममा विद्यालयका शिक्षक/शिक्षिका, अभिभावक, विद्यार्थी तथा स्थानीय समुदायका प्रतिनिधिहरूको उल्लेखनीय उपस्थिति रहेको थियो।
विद्यालय व्यवस्थापन समितिले यस्ता सम्मान तथा सहयोगहरूले विद्यालयको शैक्षिक विकासमा थप टेवा पुग्ने विश्वास व्यक्त गरेका थिए ।
कार्यक्रममा वडा नं. ६ का अध्यक्ष सुजित कुमार मण्डल अध्यक्षतामा सम्पन्न भएकाे थियो