विराटनगर, श्रावण २२ गते । मोरङको कटहरी गाउँपालिकाका स्थानीयवािीहरूले सडकमै धान रोपेर विरोध गरेका छन् ।
कटहरी गाउँपालिका ३ कटहरी चोकमा बिहीबार स्थानीयवासीहरूले सडकमा धान रोपेर एक घण्टा विरोध गरेका छन ।
वर्षायाममा हिलाम्मे र खाडलले भरिएको सडकको अवस्थाप्रति आक्रोश पोख्दै उनीहरूले सांकेतिक रूपमा धान रोपेका हुन् ।
६ वर्षदेखि निर्माणाधीन हुलाकी राजमार्गको केवल २७ प्रतिशत काम मात्र काम भएका कारण वर्षातमा हिल्लामे र सुख्खा माैसममा धुलाम्मे भएका कारण स्थानीयवासीहरू सास्ती भाेगिरहेका छन ।

‘वर्षौं भइसक्यो, सडक नबन्दा वर्षायाममा अहिले खाडल भएर पानी जमेको छ। पानी पर्दा सडकमा हिँड्न नसक्ने हुन्छ । हामीले विरोधस्वरूप सडकमा धान रोपेर विरोध जनाएका हौं,’ कटहरी ३ की लक्ष्मीदेवी साहले वताईन ।
कटहरीको सिंघिया खोलादेखि नयाँबजार अगाडी जुडीखोलासम्मको ६ किलोमिटर सडकखण्डमा निर्माण व्यवसायीको हेलचेक्र्याइँका कारण सडक अलपत्र पर्दा स्थानीयवासीले दिनहुँ कष्ट भोग्नुपरेको छ।
‘हुलाकी सडक तत्काल बनाउनुपर्ने माग राख्दै हामी आन्दोलनमा उत्रन बाध्य भएकाे स्थानीय दिपेश कामतले बताए ।