विराटनगर, श्रावण २२ गते । माेरङ जिल्ला धनपालथान गाउँपालिका वडा नं ७ कदमाह टाेलमा रहेकाे “धनपालथान” लाई पर्यटक स्थल बनाउन अखिल नेपाल पिछडावर्ग (आ‌ेविसी) महासंघ केन्द्रीय कमिटीले माग गरेका छन ।
उक्त माग गर्दै पहिलो चरणमा पर्टयटक स्थल बनाउनकाे लागि लगानी गर्न काेशी प्रदेशका माननीय मुख्यमन्त्री हिक्मत कुमार कार्की र काेशी प्रदेशका सभामुख माननीय अजम्बर बहादुर विष्टलाई ज्ञापनपत्र बुझाएका छन ।

ज्ञापनपत्र महासंघका महासचिव जय प्रकाश महताे, नेकपा एमाले जिल्ला कमिटी माेरङ सदस्य महेश्वर यादव, नेपाल पत्रकार महासंघ माेरंगकाे सह सचिव श्यामसुन्दर सुतिहार लगायले बुझाएका छन ।

ज्ञापनपत्र बुझ्दै माननीय मुख्यमन्त्री कार्की र माननीय सभामुख विष्टले धनपालथानलाई पर्यटन स्थल बनाउने काम अगाडि बढाउने प्रतिवद्वता व्यक्त गरेका थिए ।
साे कार्यकाे लागि माननीय गितारानी महताेले पहल गरेका छन ।