विराटनगर, जेठ १६ गते । विराटनगरको ऐतिहासिक, प्राज्ञिक तथा सांस्कृतिक गरिमालाई प्रवर्द्धन गर्ने उद्देश्यका साथ भाेली जेठ १७ गते किताब मेला २०८३ लाग्ने भएकाे छ ।
हिमालयन रोड किताब मेलाको मुख्य उद्देश्य पठन संस्कृतिलाई प्रर्वधन गर्नु, पुस्तक पसल हरु लाई समवेश गर्ने, पाठक र लेखकहरूलाई सिधै जोड्ने र बौद्धिक विमर्शको वातावरण सृजना गर्ने रहेका ग्रीनसीटी भाेलिन्टयर्स विराटनगरका कृतिका मण्डलले पत्रकार सम्मेलनमा वताईन ।
समाजमा ज्ञानको पहुँचलाई सहज बनाउँदै नयाँ पुस्तामा अध्ययनप्रतिको रुचि र रचनात्मक चिन्तनको विकास गराउन ठूलो सहयोग पुग्ने नितु सेनले वताईन ।
मेलाका प्रमुख विशेषता पुस्तक प्रदर्शनी, साहित्य कुना पाठकहरूका लागि बसेर पढ्ने र साहित्यिक वातावरणको अनुभव रहेकाे दिगो विकास इन्सटिच्युटका अभिषेक श्रेष्ठले वताए ।
दिउँसो १ बजे शुरू हुने मेलाको पहिलो सत्रमा विराटनगरमा साहित्य : विगतदेखी वर्तमानसम्म वक्ताहरूमा खेम राज नेपाली, निर्मला कोईराला र कर्ण सन्जय रहनेछ ।
दोस्रो सत्रमा नेपाली वाङमय र विराटनगरकाे वक्ताहरूमा मनु मन्जिल्, दिनेश श्रेष्ठ र सगुना साह रहनेछ ।
त्यस पश्चात् कविता वाचन, सांस्कृतिक नृत्य र कलाका विविध स्वरूपहरूको प्रस्तुति रहनेछ ।
हिमालय रोड, विराटनगरमा लाग्ने हिमालयन रोड किताब मेला २०८३ मा करीब २ लाख खर्च लाग्ने आयाेजकले वताए ।
उक्त मेला दिगो विकास इन्स्टिच्युट, ग्रीन सिटी भोलुन्टियर विराटनगर, नर्थ साउथ कलेक्टिभ्स, पुस्तक बिक्रेता तथा स्थानीय साहित्यिक व्यक्तित्व एवं जागरूक युवाहरूको संयुक्त पहल रहेकाेछ।