बिराटनगर, जेष्ठ ५ गते । मोरङको पुरानो सदर मुकाम हाल रङगेली नगरपालिका वडा नं. ३ का १९ बर्षीय बिनोद यादवले भाउजुको हत्या गरेको आरोपमा पक्राउ परेको छ ।
रङगेली नगरपालिका वडा नं. ३ तिलुवा चौकको नहरमा मृत फेला परेकी २४ बर्षीया अनिता यादवको घाँटीमा काटिएको पाएसंगै अनुसन्धान थालेको प्रहरी टोलीले मृतक कै देवर बिनोदको संग्लग्नता रहेको पाएपछि निजलाई पक्राउ गरेको हो ।
मृतक अनिता र देवर बिनोद बिच मंगलवार साँझ झै–झगडा भएको र सोही रिसिईबीका कारण बिनोद यादवले राती ८ बजे धारिलो हतियार दाउले घाँटीमा प्रहार गरी भाउजुको हत्या गरेका थिए ।
पक्राउ परेका यादवको सम्बन्धमा ईलाका प्रहरी कार्यालय रङगेलीले थप अनुसन्धान गरिरहेको छ ।