बिराटनगर, आषाढ १३ गते । बिराटनगर महानगर पालिका वडा नं. ३ स्थित रहेको बालसुधार गृहको छतबाट हामफाली भागेका चारै जनालाई पुन ः पक्राउ गरेका छन् ।
बालसुधार गृहको छतबाट हामफाली आषाढ १२ गते अन्दाजी ३ बजे ४ जना बाल विज्याईकर्ताहरु भागी फरार भएको थियो ।
फरार भएका मध्ये तत्कालै बिराटनगर महानगर पालिका वडा नं. ३ बाट पक्राउ गरीएको थियो ।
बांकी तीन जना जिल्ला प्रहरी कार्यालय मोरङ र १ नं. प्रदेश प्रहरी कार्यालय रानी विराटनगर रिट शाखाबाट खटिएको प्रहरी टोलीले खोजतलास गर्ने क्रममा आज अन्दाजी ९ बजे विराटनगर महानगरपालिका वडा नं.–४ स्थित पुलचोक नहर छेउबाट पक्राउ गरिएको छ ।
साथै निजहरू सामान्य घाईते समेत रहेको देखिएकोले उपचारको लागि कोशी अस्पताल विराटनगर पठाई आवश्यक अनुसन्धान कार्य जारी रहेको जिल्ला प्रहरी कार्यालय मोरंगले जनाएको छ ।