विराटनगर, कार्तिक २५ गते । सिमा प्रहरी चाैकी रानी विराटनगरवाट खटिएका प्रहरी टाेलीले विभिन्न किसिमकाे लागूऔषध सहित दुईजनालाई पक्राउ गरेका छन ।
घटना विवरणअनुसार बुधवार विराटनगरको सिमा क्षेत्रबाट लागूऔषध सहित दुबैजनालाई पक्राउ गरिएको हाे ।
पक्राउ पर्नेमा सुनसरी धरान उपमहानगरपालिका वडा नं. १ का २२ बर्षीय रमेश भट्टराई र धरान उपमहानगर पालिका वडा नं. १३ का प्रदिप लिम्बु रहेका छन् ।
प्रहरी टोलीले भट्टराईलाई लुपिजेसिक १६ एम्पुल, फेनारगन ३ एम्पुल, डाईजाल्याब १६ एम्पुल, एभिल १६ एम्पुल, नाईट्रोभेट १० ट्याप्लेट सहित पक्राउ गरेको थियाे ।
त्यसैगरी लागूऔषध नियन्त्रण ब्युरो विराटनगरबाट खटिएको प्रहरी टोलीले लिम्बुलाई एभिल ३३ एम्पुल, डाईजाल्याब ३३ एम्पुल , लुपिजेसिक ३३ एम्पुल, फेरागन ३२ एम्पुल सहित पक्राउ गरेको थियो ।
पक्राउ परेका दुवै जनाको ईलाका प्रहरी कार्यालय रानीबाट थप अनुसन्धान भइरहेको छ ।