महेन्दनगर, श्रावण १७ गते । एक महिलाको अज्ञात समूहले धारिलो हतियार प्रहारगरी हत्या भएको छ भने ती महिलाको श्रीमान आक्रमणवाट घाईते भएको छ ।
प्रहरीले दिएको घटनाको विवरण अनुसार कञ्चनपुरको बेलौरी नगरपालिका–७ भगतपुरमा गएराति अज्ञात समूहले ५५ वर्षीय बेलु खातीको हत्या गरेको भएको । यस्तै उनका श्रीमान ६२ वर्षीय घनश्याम धारिलो हतियार प्रहारबाट गम्भीर घाइते भएका छन् ।
जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक अमरबहादुर थापाका अनुसार गम्भीर घाइते भएका घनश्यामलाई उपचारका लागि धनगढी पठाइएको छ । सो घटना खाती परिवारको घरमै मध्यरातमा भएको थियो । हत्यामा संलग्नको पहिचान नभएको र घटनाको अनुसन्धान भइरहेको प्रहरीले जनाएको छ ।
प्रहरीले घटनाको सोधपुछका लागि खातीका छोरा राजेश र स्थानीय दिनेश रानालाई नियन्त्रणमा लिएको छ ।