विराटनगर, असार १८ गते । कटहरी गाउँपालिकामा नव निर्वाचित जनप्रतिनिधीहरुलाई राजवंशी समाज विकास समितिले सम्मान गरेका छन् ।
बैशाख ३० गते सम्पन्न भएको स्थानीय तहका निर्वाचनमा निर्वाचित भएका जनप्रतिनिधीहरुलाई शनिवार समाजले सम्मान गरको हो ।
सम्मानित हुनेहरुमा कटहरी गाउँपालिकाको नव निर्वाचित अध्यक्ष देवराज चौधरी, उपाध्यक्ष सितादेवी राजवंशी लगायत ७ वटै वडा अध्यक्ष तथा सदस्यहरुलाई गम्छा र सम्मान पत्र प्रदान गरी समाजका अध्यक्ष उमेश राजवंशीले सम्मान गरेका थिए ।
समान कार्यक्रममा राजवंशी समाजका केन्द्रीय अध्यक्ष भिमराज राजवंशी, जिल्ला अध्यक्ष प्रशुराम राजवंशी, जग्गादाता केशराज राजवंशी लगायत राजवंशी समुदायका समाजसेवीहरुको सहभागितामा रहेको थियो ।
सम्मान कार्यक्रममा बोल्दै राजवंशी समाजका केन्द्रीय अध्यक्ष भिमराज राजवंशीले भने ‘ समाज परिवर्तनका लागि जनप्रतिनिधिले सदैव समाजको विकास, उत्थानको सपनालाई सकार पार्ने उदेश्यका साथ अगाडी बढ्न आग्रह गरको थियो ।
सम्मान कार्यक्रम समाजको अध्यक्षको अध्यक्ष उमेश राजवंशीका अध्यक्षतामा सम्पन्न भएको थियो ।