विराटनगर, कार्तिक २७ गते । मोरंग क्षेत्र नं. ६ (क) प्रदेशसभा तर्फ नेपाल कम्यूनिष्ट पार्टी (एमाले) पार्टीबाट उम्मेदवारी दिएकी रीता न्यौपानेले चुनावी भेलालाई सम्वोधन गर्दै भने जेष्ठ नागरिकलाई शिरमा, महिलालाई मनमा र यूवालाई साथमा लिएर हिडेका कारण आफू बहुमतले निर्वाचित हुनेमा ढुक्क भएको वताईन ।
न्यौपानेले भनिन् ‘कस्ले के ग¥यो, गरेन भनेर कसैलाई दोष दिनु छैन्’ उनले भनिन्, ‘म कसैलाई गाली पनि गर्दिन, किनकी त्यो मेरो राजनीतिक भित्र पर्दैन, म आफू राम्रो गर्ने कोशिश गर्नेछु ।’ निर्वाचित भएपछि पनि तपाईहरुकै साथ लिएर गाउँ टोलको विकास निर्माणमा लाग्ने प्रतिवद्धता समेते जनाईन ।
विराटनगर महानगरपालिका वडा नं. ४ को गापी टोलमा भएको महिला भेलालाई सम्बोधन गरेपछि सबै स्थानीय मतदाताको एउटै आवाज थियो तपाईँलाई जिताउने जिम्मा हाम्रोे, जितेपछि हामीले बोलाउँदा आउनुहोस् र हाम्रो कुरा सुन्नुहोस् ।
उनीहरु भन्दै थिए, ‘हाम्रो २० औं वर्षदेखि एक न एक जनालाई जिताइरहेका छौं, तर कोही जितेर गएपछि हाम्रो टोलमा फर्केर आएका छैनन्’ । आफूहरुलाई आफ्नो गाउँका विकासमा सहजीकरण गर्दिएमात्र पुग्ने उनीहरुको भनाइ थियो ।
‘तर, हामीले अहिलेसम्म पुरुष उम्मेदवारलाई मात्र जिताएका थियौं’ उनीहरुले एकै स्वरमा भने अहिले महिला उम्मेदवार पाएका छौं, हामी खुसी छौं, हाम्रो दुःख पनि राखेका छौं, तपाई हाम्रो जनप्रतिनिधि भएकाले जनताको दुःख बुझे अहिलेमात्र हैन अर्कोपटक पनि जिताउने प्रतिवद्धता जनाउँदै थिए ।
गोपी टोलमा मात्र हैन उक्त क्षेत्रका जुनसुकै ठाउँमा घरदैलोमा होस् या चुनावीसभामा न्यौपानेलाई मतदाताले एकै प्रकारको गुनासो राख्ने गरेका छन्, ‘हामीले जिताएर पठाएका कोही नेता फर्केर आएनन्, तपाईँले त्यसो नगर्नुहोला ।’
प्रदेशसभाकी उम्मेदवार न्यौपानेले आफू कुनै पनि हालतमा जनताभन्दा टाढा नहुने बताएकी छन् । उनले हरेक ठाउँमा जनता नेताभन्दा माथि रहेकाले जनताको हरेक दुःख सुःखमा आफूले साथ दिने बताइन् ।
‘मलाई जिताउनुहोस्, मैले गलत व्यक्तिलाई जिताइएछु भन्ने पार्ने छैन र तपाईँहरुको शिर निहुरिने काम कदापि गर्ने छैन’, उनले भनिन्, ‘म इमान्दारिताका साथ काम गर्छु, मलाई कसैको लागि कमाउनु छैन, जे जति गर्छु जनताको लागि नै गर्छु वहाँको भनाई थियो ।’