सुनसरी, भाद्र ५ गते । सुनसरीको भोक्राहा नरसिंह गाँउपालिका-६ स्थितबाट लागुऔषध ब्राउन सुगर सहित १ जनालाई प्रहरीले पक्राउ गरेको छ ।
बिशेष सुचनाको आधारमा इलाका प्रहरी कार्यालय लौकही र लागुऔषध नियन्त्रण व्युरो बिराटनगरबाट खटिएको प्रहरी टोलीले मंगलवार साझ स्थानीय ३२ बर्षीय विष्णु मेहतालाई निजकै घर अगाडी फेला पारी पक्राउ गरेकाे थियो ।मेहतालाई खानतलासी गर्दा उनको साथबाट ब्राउन सुगर ३३ ग्राम २२ मिलिग्राम र डिजिटल तराजु १ थान फेला पारी पक्राउ गरेको थियोे ।
लागुऔषध ब्राउन सुगर सहित पक्राउ परेका उनको सम्बन्धमा थप अनुसन्धान भईरहेको जिल्ला प्रहरी कार्यालय सुनसरीले जनाएको छ ।