विराटनगर, भाद्र १४ गते । माेटर साईकल चाेरी गरेकाे अभियाेगमा दुईजनालाई प्रहरीले नियन्त्रणमा लिएकाे छ ।
घटनाको विवरणअनुसार भाद्र ११ गते राती अन्दाजी १ बजे जिल्ला मोरङ विराटनगर महानगरपालिका वडा नं.३ स्थितमा रहेको फुलबारी रेष्टुरेन्ट अगाडीबाट चोरी भएको को ३७ प १२६ नम्बरको मटरसाईकल चोरी भएकाे थियोे ।
माेटर साईकल चाेरी गरी लिई जाने मध्यका महेश कुमार मेहतालाई चोरीमा प्रयोग गर्ने सामाग्री सहित वारदात स्थलबाटै पक्राउ गरिएको थियोे ।
उक्त मोटरसाईकल लिई भागी जाने अमन चौधरीको खोजतलाश गर्दा निजलाई उल्लेखित नम्बरको मोटरसाईकल सहित भाद्र १३ गते दिउसो २ बजे जिल्ला प्रहरी कार्यालय मोरङबाट खटिएको टोलीले बुढीगंगा ५ बाट पक्राउ गरिएकाे थियो ।
चाैधरीकाे शरीर तलाशी गर्दा नेटराजेपाम टेवलेट आईपी १० एमजी लेखिएको १० (दश) वटा भएको १ पत्ता, लागूऔषध समेत बरामद गरिएको थियोे ।
मोटरसाईकल धनी समेत पहिचान गरी चोरीको जाहेरी प्राप्त भई दुवै जनालाई सम्मानित जिल्ला अदालत मोरङबाट दिन ५ (पाँच) को म्याद थप गरी अनुसन्धान भई रहेको प्रहरीले जनाएकाे छ ।