विराटनगर, जेष्ठ १२ गते । खाँदबारी बजार आएका दुई जना यूवतीलाइ ललाई फकाई गरी खाजा खाने, घुम्न जाने भनेर होटलमा लगी जवरजस्ती करणी गरेको आरोपमा दुइ जना यूवालाई प्रहरीले पक्राउ गरको छ ।
पक्राउ पर्नेमा संखुवासभा चिचिला गाउँपालिका वडा नं. २ बस्ने वर्ष ३५ को तुफान राई र वडा नं. ३ बस्ने वर्ष २८ को प्रकाश राई रहेका छन् । दुवैलाई जवरजस्ती करणी गरेको आरोप यूवतीहरुले लगाएका छन् ।
जेष्ठ ७ गते बुधवार खाँदवारी आएका यूवतीहरुलाई बजारमा भेटी ललाई फकाई गरी खाजा खाने र घुम्न समेत जाने भनि मोटरसाईकलमा बस्न लगाई खाँदबारी नगरपालिका वडा नं. १ मा रहेको होटलमा लगी जबरजस्ती करणी गरेको भनि पीडित पक्षबाट जाहेरी आएपछि जेष्ठ ९ गते शुक्रवार पक्राउ गरिएको थियो ।
आरोपीहरुलाई खाँदबारी नगरपालिका वडा नं. १ बाट पक्राउ गरी जेष्ठ ११ गते सम्मानित संखुवासभा जिल्ला अदालत चैनपुरबाट म्याद थप अनुमति लिई थप अनुसन्धान कार्य भईरहेको जिल्ला प्रहरी कार्यालय संखुवासभाका प्रहरी निरीक्षक अभिशेक कुमार श्रेष्ठले वताए ।