विराटनगर, श्रावण ७ गते । धनपालथान गाउँपालिका भित्र रहेको धार्मिक तथा शैशिक संस्थाहरुको अध्यययन गरी लेखिएको ‘धनपालथान गाउँपालिकाकाका धार्मिक तथा शैक्षिक अध्ययन’ नामक पुस्तकको विमोचन गरिएको छ ।
पुस्तक विमोचन कार्यक्रमका प्रमुख अतिथि धनपालथान गाउँपालिकाका अध्यक्ष जिवछ प्रसाद गच्छदार, विशिष्ठ अतिथि उपाध्यक्ष नसिमा बानो, धनपालथान गाउपालिकाका कार्यकारी अधिकृत रीता खतिवडा अतिथिहरु धनपालथान गाउँपालिका वडा नं. २ का वडा अध्यक्ष पंकज मण्डल, वडा नं. ३ का वडा अध्यक्ष नागेश्वर मण्डल, वडा नं. ४ का वडा अध्यक्ष श्रीराम चौधरी र वडा नं. ७ का वडा अध्यक्ष संतोष कुमार यादवले संयुक्त रुपमा विमोचन गरेको हो ।

प्रमुख अतिथी गच्छदारले कार्यक्रमलाई सम्बोधन गर्दै भने ‘ धनपालथान गाउँपालिकाका धर्मिक तथा शैक्षिक सस्थाहरुको अध्ययन’ पुस्तक प्रकाशनले पालिका भित्र रहेको धार्मिक र शैक्षिक संस्थाहरुको जानकारी पाउन सहज हुने एतिहासिक काम भएकोले पुस्तक प्रकाशन टीमलाई धन्यवाद दिदै यस्तो उदहरणीय कामको लागि जहिले पनि सहयोग गर्ने प्रतिवद्धता जनाए । वहाँले भने यसभन्दा पहिले पनि ‘राजा धनपालथथान धार्मिक तथा ऐतिहासिक अध्ययन’ नाम पुस्तक प्रकाशन भएको थियो । जुनकी राजा धनपालथान नामक स्थानको मात्र थियो । तर अहिले प्रकाशन गरिएको पुस्तक धनपालथानको सवै वडाहरुमा रहेको धार्मिक तथा शैक्षिक संस्थाहरुलाई समेटेर बनाइएको प्रकाशन गरिएको पुस्तक ऐतिहासि भएको वताए ।

उक्त विमोचन कार्यक्रमा पुस्तक प्रकाशन विज्ञ टोली संयोजक यज्ञप्रसाद शर्मा, सदस्य विज्ञ प्राडा रामलाल सुतिहार, र भाषा संस्कृति प्रतिष्ठानका अध्यक्ष जय प्रकाश महतोले पुस्तका वारेमा चर्चा गरेका थिए ।
त्यसैगरी नेपाल पत्रकार महासंघ कोशी प्रदेश उपाध्यक्ष कुमोद अधिकारी, प्रेस यूनियन कोशी प्रदेश अध्यक्ष मिन कुमार नबोदित, नेपाल पत्रकार महासंघ मोरंग अध्यक्ष शुशीला पाठक, प्रेस चौतारी मोरंग अध्यक्ष चीना थापा लगायतले पुस्तक प्रकाशन टीमलाई धन्यवाद दिदै सवै पालिकाहरुले धार्मिक तथा शैक्षिक संस्थाहरुको इतिहास खोज्ने काम गर्नुपर्ने सुझाव दिएका थिए ।

सम्पादक मण्डलका संयोजक श्याम सुन्दर सुतिहार, सदस्य उषा सरदार र सदस्य पदम सरदारद्धारा लिखित पुस्तकमा ५ अध्यायमा २५० पृष्ठको पुस्तकमा ग्रामथान, मन्दिर, मस्जिद, मझीथान, चर्च, शिव चर्चा केन्दको परिचय, पुजाविधी, स्थापना गर्ने कारण, पुजा हुने तिथी मिति र विद्यालयको परिचय उल्लेख गरेकोछ ।
पुस्तक विमोचन कार्यक्रम सम्पादक मण्डलका संयोजक श्याम सुन्दर सुतिहार अध्यक्षतामा सम्पन्न भएको थियो ।