विराटनगर, श्रावण १८ गते । काेशी प्रदेशकाे खानेपानी, सिंचाइ तथा उर्जा मन्त्री एकराज कार्कीले प्रदेशको ३७.३ प्रतिशत कृषियोग्य जमिनमा बर्षे भरि सिंचाई सुविधा पुगेको वताएका छन ।
मन्त्रालयको वार्षिक प्रगति सार्वजनिक गर्न कोशी प्रदेश सरकारको खानेपानी, सिचाइ तथा उर्जा मन्त्रालयले आयोजना गरेको पत्रकार सम्मेलनमा बोल्दै मन्त्री कार्कीले सो कुरा वताएकाे हो ।
आर्थिक वर्ष ०८०/०८१ सम्म ४० वटा वहुवर्षिय योजना (संघबाट हस्तान्तरित २१ वटा समेत) रहेकोमा ३१ वटा योजना सम्पन्न भएको चालु आ.व.मा १२ वटा बहुवर्षिय योजनाहरुको स्रोत सुनिश्चतता प्राप्त भई २१ वटा योजना कार्यान्वयनको चरणमा रहेको समेत मन्त्री कार्कीले जानकारी गराए ।
त्यसैगरी उर्जा तर्फ काेशी प्रदेशमा विद्युत पहुँच परिवार संख्या ९५.५३ प्रतिशत रहेको छ । कोशी प्रदेशको विद्युत उत्पादन क्षमता २८००० मे.वा. भए पनि हालसम्म ६५३ मे.वा. मात्र विद्युत उत्पादन भएको छ । विद्युत उत्पादन बढाउनका लागि प्रदेश सरकारले निजी क्षेत्र समेतको लागत साझेदारीमा जलविद्युत आयोजना निर्माण कार्य अगाडि बढाएको छ भने लक्ष्मीखोला लघु जल विद्युत आयोजना, धनकुटालाई राष्ट्रिय प्रसारण लाईन (ग्रिड) मा श्रावण महिना भित्र जोडन गरी कार्य अगाडि वढाईएको मन्त्रालयबाट वितरण गरीएकाे प्रेस विज्ञप्तिमा उल्लेख छ ।
खानेपानी तर्फ केशी प्रदेश भित्र सुरक्षित खानेपानी ३४.७ प्रतिशत जनसंख्यामा पुगेको छ भने प्रदेश सरकारले सञ्चालन गरेका खानेपानी आयोजनाबाट आधारभूत तथा सुरक्षित खानेपानी लाभान्वित जनसंख्या ४५०९४३० रहेको छ । नागरिकलाई गुणस्तरीय खानेपानी सेवा प्रवाह गर्न एक घर एक धारा कार्यक्रम अन्तर्गत ३९ वटा योजना र “लिफ्टिङ खानेपानी कार्यक्रम” जस्ता बिशेष कार्यक्रम सञ्चालन गरिरहेको विज्ञप्तिमा उल्लेख छ ।
संघ सरकारबाट हस्ताक्षरित खानेपानी तर्फ १२३ वटा र सिचाइ तर्फ ६ वटा गरी १२९ वटा आयाेजनाहरू रूग्ण रहेकाे भन्दै संघ सरकारबाट साविकमा आयाेजनाहरूमा रकम विनियोजन हुने गरेकाे भएपनि हाल रकम विनियोजन नभएकाले कार्यान्वयन हुन नसकेको मन्त्री कार्कीले वताए ।
आपतकालीन तथा विपद राेकथामकाे लागि ३ हजार ९०१ थान तारजाली, १७ हजार ५०० थान नायलन बाेरा र ९ हजार ५७६ मिटर पाईप खरीद गरी राखिएको मन्त्री कार्कीले जानकारी गराए ।
खानेपानी, सिंचाइ तथा उर्जा मन्त्रालयले आर्थिक वर्ष २०८१/०८२ काे विनियोजित बजेटमा चालु खर्च तर्फ ७२.०७ प्रतिशत खर्च गरेकाे र पुँजीगत खर्च तर्फ ९४.७० प्रतिशत खर्च गरेकाे छ ।