विराटनगर, श्रावण १८ गते । विराटनगर-५ स्थित एभरेष्ट सेकेण्डरी स्कुल तथा कलेजमा अध्ययनरत विद्यार्थीहरुको आयोजनामा ‘प्रथम एभरेष्ट नमुना संयुक्त राष्ट्रसंघको अभ्यास’ कार्यक्रम हुने भएकाे छ ।
कलेजकाे सभाहलमा पत्रकार सम्मेलन गरी साउन २१, २२, र २३ गते साे सभा हुने एभरेष्ट नमुना संयुक्त राष्ट्रसंघीय सभा आयोजक कमिटी संयोजक इशल भट्टराईले जानकारी गराए ।
विद्यार्थीहरुको सर्वाङ्गिण विकासका निम्ति एभरेष्ट स्कुलले हामीलाई दिएको शिक्षा र आत्मविश्वासको कसिमा उभिएर पहिलो पटक संयुक्त राष्ट्रसंघको सभाको नमुना अभ्यास गर्न लागिरहेकाे भन्दै एभरेष्टका दुई सय विद्यार्थीहरुले विभिन्न देशको प्रतिनिधिको रुपमा एक साथ भाग लिएर सभामा छलफल हुने भट्टराईले वताए ।
उक्त सभामा संयुक्त राष्ट्रसंघको साधारण सभा, संयुक्त राष्ट्रसंघ मानवअधिकार परिषद, विश्व स्वास्थ्य संगठन, संयुक्त राष्ट्रसंघ वातावरण कार्यक्रम, दक्षिण एशियाली क्षेत्रीय सहयोग संगठन, अन्तर्राष्ट्रिय प्रेस जगत गरी ६ वटा सांकेतिक समितिको रहनेछ ।
समितिहरुमा छलफलका लागि विभिन्न अजेण्डाहरु जस्तै संयुक्त राष्ट्र संघको महासभामा निशस्त्रीकरण र अन्तर्राष्ट्रिय सुरक्षा, राष्ट्रसंघ मानव अधिकार परिषदमा कब्जा गरिएका क्षेत्रहरूमा मानव अधिकार उल्लङ्घनहरूलाई सम्बोधन गर्ने, विश्व स्वास्थ्य संगठनमा कोभिड -१९ पछि विद्यालय र समुदायहरूमा मानसिक स्वास्थ्य सहयोग सुनिश्चित गर्ने, संयुक्त राष्ट्रसंघ वातावरण कार्यक्रममा दिगो कृषि मार्फत जलवायु लचिलोपन प्रवद्र्धन गर्ने, दक्षिण एसियाली क्षेत्रीय सहयोग संगठनमा विपद् तयारी र प्रतिक्रियाको लागि क्षेत्रीय सहयोगलाई सुदृढ गर्ने, अन्तर्राष्ट्रिय प्रेसमा पत्रकारिता कभरेज, समाचारपत्र विकास लगायत रहनेछ ।
एउटा समितिमा ३३ जना विभिन्न देशका सांकेतिक प्रतिनिधिहरुको उपस्थिती रहने छ। जहाँ आ-आफ्नो क्षेत्रका सरोकार र अन्तर्राष्ट्रिय समस्याहरुका विषयले प्राथमिकता पाउनेछन्। तिनै विषयमा छलफल गरि सभाले दिगो समाधान खोज्ने छ ।
कक्षा ८ देखि १२ सम्मका हामी इच्छुक विद्यार्थीहरुको सहभागिता रहने यस नमुना संयुक्त राष्ट्रसंघीय सभाको अभ्यास एभरेष्ट स्कुल तथा कलेजका सभाहलहरुमा हुनेछन् ।
नमुना सभामा संयुक्त राष्ट्रसंघीय सभामा हुने कार्यक्रमकै नक्कल गरि सहभागिहरुलाई विश्वव्यापी मुद्दाहरुमा समाधानका विषयमा विद्यार्थी प्रतिनिधिहरुलाई धारणा राख्न दिइने छ । सभामा विद्यार्थीहरुलाई विभिन्न राष्ट्रका प्रतिनिधिको रुपमा उभ्याइने छ। विद्यार्थीहरुले आफूले प्रतिनिधित्व गरेको मुलुकको पक्षमा रहेर ति अजेण्डाहरुमा धारणा राख्नेछन् ।
एभरेष्ट घोषणापत्र जारी गर्दै नमुना सभाको समापन हुने छ। हाम्रो यस नमुना सभालाई नियमसंगत सम्पन्न गराउन युवा शसक्तिकरणको क्षेत्रमा कृयाशिल संस्था ग्लोबल हेल्प फाउण्डेसनले प्राविधिक तथा व्यबस्थापकिय सहजिकरण गर्ने छ भने विद्यालयले कार्यक्रम सफलताका निम्ति विद्यार्थीहरुलागि आवश्यक सम्पूर्ण कुराहरुको प्रवन्ध गरिदिने छ। कार्यक्रमको संरक्षकत्व विद्यालयका प्राचार्य श्री टीका राम पुरी बाट गरिनेछ ।
सभा संचालन मुख्य उदेश्य विद्यार्थीहरुको क्षमता अभिवृद्धि गरि अन्तर्राष्ट्रिय स्तरका ज्वलन्त समस्याहरुको पहिचान र समाधानका लागि विकल्पहरु खोज्न सिकाउने, विद्यार्थीहरुको नेतृत्व र व्यक्तित्व विकास गराउने तथा अन्तर्राष्ट्रिय नीति, कुटनीति, सम्वन्ध, नियम बुझ्न र समस्याहरुका विषयमा तार्किक विश्लेषण गर्ने सामथ्र्य बढाउँने, समालोचनात्मक चेतको विकास गराउँदै सहकार्यको भावना जागृत गराउँने, विद्यार्थीहरुमा तार्किक क्षमताको विकास साथै आत्मविश्वासमा वृद्धि गराउने,
विश्वस्तरीय जनशक्तिसँग सहकार्य, समन्वय र प्रतिष्पर्धी बन्ने क्षमताको विकास गराउने रहेकाेछ ।