विराटनगर, श्रावण १९ गते कोशी प्रदेश सरकारका आर्थिक मामिला तथा योजना मन्त्री रामबहादुर मगरले कोशी प्रदेशमा अपेक्षित रुपमा उद्योग फस्टाउन नसकेको प्रति चिन्ता व्यक्त गरेका छन् ।
सोमबार मोरङ चेम्वर अफ कमर्सको छैठौं बार्षिक साधारणसभा तथा तेश्रो अधिवेशन उद्घाटन कार्यक्रमलाई सम्बोधन गर्दै मन्त्री मगरले सो कुरा बताउनु भएको हो । उहाँले कोशी प्रदेशमा अपेक्षित रुपमा उद्योग फस्टाउन नसकेको प्रति चिन्ता व्यक्त गरेका हो ।
कोशी प्रदेशमा धेरै सम्भाव्यताहरु पर्यटनमा विश्वकै अगलो हिमाल, जलस्रोत, उर्जा सवैमा कोशी प्रदेश १ नम्बरमा हुँदा हुँदै विरोध गनेैमा समेत कोशी प्रदेश १ नम्बरमै रहेको मन्त्री मगरको भनाई छ । अन्य प्रदेशको तुलनामा कोशी प्रदेशले सवै भन्दा बढी कफी निर्यात गर्ने कोशी प्रदेश नै भएको मन्त्री मगरले दावी गरेका छन् ।
नेपाल चेम्वर अफ कमर्सका अध्यक्ष कमलेश अग्रवालले कोभिड १९ र रुस–युक्रेन युद्धका कारण विश्वव्यापी रुपमा परेको असर र संकुचित मौद्रिक नीतिका कारण समग्र अर्थतन्त्रमा नकारात्मक असर पारेको वताए ।

नेपाल उद्योग बाणिज्य महासंघ कोशी प्रदेशका अध्यक्ष राजेन्द्र राउतले बजारको माग डरलाग्दो तरिकाले घटेको भन्दै उद्योगको उत्पादन पनि ५०–६० प्रतिशत मात्रै हुने गरेको राउतको भनाई छ । उहाँले भन्नुभयो,‘सरकारले ६२ प्रतिशत मात्रै पुँजीगत खर्च गर्नु दुःखत हो ।’ अध्यक्ष राउतले कोशी प्रदेशमा कृषिको सम्भावना भएकाले राज्यले लगानी बढाउनुपर्नेमा जोड दिएका थिए ।
विराटनगर महानगरपालिकाका प्रमुख नागेश कोइरालाले भारतमा पाउने समानको मुल्य र नेपालमा पाउने समानको मुल्य समायोजन नगरे सम्म जोगवानीको बजार गुलजार हुन्छ भने विराटनगरमा व्यपारै हुदैन तसर्थ सरकारको नीति परिवर्तन गरी मुल्य समायोजन हुनुपर्नेमा जोड दिदिएका थिए ।
बार्षिक साधारणसभा कार्यक्रममा उद्योग संगठन मोरङका अध्यक्ष नन्दकिशोर राठी, नेपाल उद्योग परिसंघ कोशी प्रदेशका बरिष्ठ उपाध्यक्ष प्रकाश मुन्दडा लगायतले नेपाली उद्योगको विकासका लागि राज्यले प्राथमिकता दिनुपर्नेमा जोड दिएका थिए । कार्यक्रममा श्रीराम आयलका प्रदिप मुरारका, न्युरो अस्पताल विराटनगरका डा. वीरेन्द्र विष्ट, पल्स फेसन सुनसरी खनारका निमेष प्रधान, क्वालिटी रिफाईनरी उद्योगका घनश्याम कावरा, नोबेल मेडिकल कलेज विराटनगरका लोकनाथ न्यौपानेलाई सम्मान गरिएको थियो ।