विराटनगर, श्रावण २५ गते । नेपाल अन्तराष्ट्रिय कृष्ण भावनामृत संघ (इस्कोन विराटनगर) द्वारा कृष्णजन्माष्टमी उत्सवकाे तयारी गरि रहेकाे छ ।
विराटनगर, जलजला चौक, नबिल बैककाे माथिल्लो तल्लामा रहेकाे इस्कोन विराटनगरका सचिव भानुभक्त जाेशीले पत्रकार सम्मेलन गरी कृष्णजन्माष्टमीकाे अवसरमा
मंगल आरती, सामुहिक जप, दर्शन आरती, गुरूपुजा, श्रीकृष्ण कथा, महानरसिंह यज्ञ, अन्तरविद्यालय चित्रकला प्रतियोगिता, बालकृष्ण शृङ्गार प्रदर्शन, अन्तरविद्यालय नृत्य प्रतियोगिता, मड्की फोड प्रतियोगिता, विविध साँस्कृतिक कार्यक्रम तथा झाँकी प्रदर्शन, सन्ध्या आरती, कीर्तन, श्रीकृष्ण जन्म उत्सव एवम् महाअभिषेक र अभिषेक लगायतकाे कार्यक्रम श्रावण ३१ गते विहान ५ बजेदेखि मध्यरात १ बजे सम्म हुने जानकारी गराए ।
उक्त दिन संसार भरि हजारौं इस्कॉन मन्दिर हरुमा कृष्णजन्माष्टमी कार्यक्रम हुने भएकाेले विराटनगरमा पनि जैन भवनमा भव्यताका साथ कृष्णजन्माष्टमी उत्सव गर्ने तयारी भईरहेकाे जाेशीले वताए ।
भगवान श्रीकृष्णको अविर्भाव दिवसको रुपमा सनातन देखि मनाउदै आइएको जन्माष्टमी पर्व भव्य रुपमा मनाउने तयारी गरिएको छ। अन्तराष्ट्रिय कृष्ण भावनामृत संघले हरेक वर्ष यो दिवस भव्यतापूर्वक मनाउदै आएको छ ।

उक्त उत्सवमा इस्कोन नेपालका वरिष्ठ आध्यात्मिक गुरु तथा भक्तिवेदान्त गुरुकुलका अध्यक्ष, नेपालको संकीर्तन अभियानका राष्ट्रिय कीर्तन समूह सहित भारत, बेलायत सहित देशका भक्त तथा स्वदेशी भक्त सहित २ हजार भन्दा बढी सनातन हिन्धुधर्मावलम्बी भक्तजनको उपस्थिति रहने अनुमान गरिएको छ।
नेपाली सनातन संस्कृतिको जगेर्ना तथा नेपालीको सुख र शान्तिको लागि आयोजना गर्न लागिएको यस ऐतिहासिक महोत्सवमा आतिथिगणबाट भगवान श्रीराधा कृष्णलाई दीप अर्पण, अभिषेक तथा यज्ञमा सहभागिताकाे लागि इस्काेले आग्रह गरेकाे छन ।
उक्त उत्सवमा माेरं जिल्लाका सामुदायिक र संस्थागत विद्यालयबाट सहभागीहुने साँस्कृतिक प्रतियोगितामा प्रथम, द्वितीय र तृतीय पुरस्कार क्रमशः ३० हजार, १५ हजार र ५ हजार पुरस्कार स्वरूप प्रदान गरिनेछ ।
त्यसैगरी चित्रकला प्रतियोगितामा प्रथम, द्वितीय र तृतीय क्रमश: १५ हजार, १० हजार र ५ हजार प्रदान गरिनेछ।
साे दिन विहान देखि नै महाप्रसादको व्यवस्था गरिएकोले करिव १५ हजार भक्तजनले प्रसाद ग्रहण गर्ने अनुमान गरिएको छ।