काठमाडौ, कार्तिक १६ गते । कपिलवस्तु समाजका एक प्रतिनिधि मण्डलले समाजका आजीवन सदस्य कपिलवस्तु कृष्णनगर निवासी नवनियुक्त प्रहरी अतिरिक्त महानिरीक्षक उमा चतुर्वेदीलाई भेटी बधाई ज्ञापन तथा सफल कार्यकालको शुभकामना व्यक्त गर्नुका साथै कपिलवस्तु दंगा नियन्त्रण बल र प्रहरी कार्यालयलाई स्तरोन्नतीको माग गरेका छन् ।
कपिलवस्तु जिल्लाको सुरक्षा व्यवस्था बारेमा चर्चा गर्नुको साथै ईलाका प्रहरी कार्यालय चन्द्रौटालाई स्तरोन्नति गरी नायव उपरीक्षक (डिएसपी) को दरवन्दी सहित ५ दर्जन दरवन्दी सहितको दंगा गणको कपिलवस्तुमा स्थापना गर्नुपर्ने माग गरेका छन्।
कपिलवस्तु जिल्लामा कृष्णनगर र मर्यादपुर गरि हाल दुई प्रमुख भंसार नाका रहेको हुँदा सुरक्षा व्यवस्था कायमको लागि अतिआवश्यक रहेको छ। छिमेकी जिल्ला दाङ र रुपन्देहीम सो गण रहेको तर कपिलवस्तुमा नरहेकोले सो स्थापन  गर्नुपर्ने माग गरेका छन । सो सम्बन्धमा अतीरिक्त महानिरीक्षक चतुर्वेदीले आफुले सम्वन्धित निकायमा प्रस्ताव राख्ने प्रतिबद्धता जनाए ।
प्रतिनिधि मण्डलमा समाजका अध्यक्ष दीपक राजभण्डारी , उपाध्यक्ष आलोक तिवारी, सचीव बाबुराम भट्टराई  तथा संरक्षक कालिका दवाडी, पूर्व अध्यक्ष दिगविजय मिश्र ,रत्नाकर ज्ञवाली, अवधेश छिपी तथा अशोक ओझा को उपस्थिति रहेका थिए ।
समाज विक्रम सम्वत् २०४७ सालमा विशुद्ध समाजिक संस्थाको रुपमा काठमाडौमा स्थापना भएको थियो ।कपिलवस्तु जिल्लाको सर्वपक्षीय विकासको लागि नेपाल सरकारका विभिन्न निकाय लगायत अन्य सरोकारवालालाई सल्लाह सुझाव र दवावमूलक कार्यक्रम गर्दै आएका छन् ।