रामनारायण ठाकुर
मिर्चैया, मंसिर १३ गते । सिरहाको मिर्चैयामा रक्तदान तथा निःशुल्क छालारोग स्वास्थ्य शिविर सम्पन्न भएको छ।
“रक्तदान नै जीवनदान हो” भन्ने मूल नाराका साथ न्यू शिव शक्ति फार्मेसी प्रा.लि., सत्य सर्जिकल एण्ड फुड सेन्टर तथा महावीर यूवा कमिटीको संयुक्त आयोजनामा सम्पन्न रक्तदान कार्यक्रममा ४३ जनाले रक्तदान गरेका थिए ।
त्यसैगरी आयोजित निःशुल्क स्वास्थ्य परीक्षण तथा छालारोग शिविरमा थाइराइड परीक्षण १४१ जना, छालारोग सम्बन्धि परीक्षण ७१ जना , मधुमेह (सुगर) परीक्षण ६९ जना ,सामान्य स्वास्थ्य जाँच १०९ जनाले सेवा लिएका छन्।
यी सबै स्वास्थ्य सेवाहरू न्यू शिव शक्ति फार्मेसी प्रा.लि. र सत्य सर्जिकल एण्ड फुड सेन्टरका सञ्चालक राजाराम साहको पहल तथा समन्वयमा सञ्चालन गरिएको थियो।
रक्तदान कार्यक्रम नेपाल रेडक्रस सोसाइटी, लहानको प्राविधिक सहयोगमा सम्पन्न गरिएको थियो।
सिरहा सहित मिर्चैया क्षेत्रमा रगत अभावका कारण बिरामीले कठिनाइ व्यहोर्नु परेको अवस्थालाई ध्यानमा राखी यस्तो कार्यक्रम आयोजना गरिएको महावीर यूवा कमिटीका सचिव सन्तोष साहले बताए।
वर्षाको मौसममा र बिरामीको आपत्कालीन आवश्यकतामा रगत उपलब्ध गराउन सकियोस् भन्ने उद्देश्यले निरन्तर रक्तदाता परिचालन भइरहेको महावीर यूवा कमिटीका अध्यक्ष बजरंग साहले बताए।
आजको रक्तदान कार्यक्रममा महावीर यूवा कमिटीका सदस्य तथा मिर्चैयाका स्थानीय युवाहरूको उल्लेखनीय सहभागिता रहेको थियो।