विराटनगर, असोज १९ गते । कोरोनाको महामारीवाट बच्नको लागि शरिरको इम्युनिटी पावर बढाउनको लागि लायन्स र लियो क्लब विराटनर द्धारा निःशुल्क काढा वितरण शुरु गरेको छ ।
शनिवार देखि विराटनगरको मेन रोड गुद्रीचौकमा ठेला राखेर निःशुल्क रुपमा काढा विरतण शुरु गरिएको लाइन्स र लियो क्लब विराटनगरका अध्यक्ष प्रविण अग्रवालले वताए ।
इम्युनिटी वढाउन वितरण गरिएको काढामा गिलोय, तुलसी, सोंठ, कालीमिर्च, पिपल, जायफल, लोंग र छोटी इलायची मिश्रण गरी मिलाएको आयुर्वेदिक काढा हो ।
सो काढा खरीद गरी चियाको रुपमा निःशुल्क वितरण गरी रहेको छ । दुई दिनमा ६ सय जनालाई काढा वितरण गरि सकेको छ । यस अभियानको लागि लायन्स र लियोका साथीहरुले पालै पालो सहयोग गरि रहेको छ ।
आयुर्वेदिक काढा वितरण कार्यक्रममा समाजिक अभियन्ता पेरिस सुवेदीको विशेष सहयोगर रहेको अध्यक्ष अग्रवाले वताए ।