विराटनगर, जेष्ठ २३ गते । विराटनगर महानगरपालिका–४ स्थित बरगाछी चौकमा नयाँ शैलीको ‘के.एस.एम. क्याफे’ सञ्चालनमा आएको छ । क्याबिनसहितको यो क्याफे युवा व्यवसायी वसिम हुसेनले आफ्नो दिदी फरिदा खातुन र भिनाजु समीम अख्तरको सहयोगमा सञ्चालनमा ल्याएका हुन् ।
हुसेनले करिब ५ लाख रुपैयाँको लगानीमा दुई तल्ले भवनको माथिल्लो तल्ला भाडामा लिएर क्याफे सञ्चालनमा ल्याएका हुन् । यसअघि विराटनगर–६, केसलिया रोडमा सञ्चालन हुँदै आएको के.एस.एम. क्याफेलाई उनले शुक्रबारदेखि बरगाछी चौकमा सारेर नयाँ स्थानबाट सेवा दिन थालेका हुन् ।
क्याफेको शुभारम्भ अवसरमा सञ्चालक हुसेनले भने, “हामीले ग्राहकको स्वाद र सेवा दुवैलाई ध्यानमा राखेर नयाँ स्थानमा क्याफे विस्तार गरेका हौं ।” हाम्रो क्याफेमा मटका चिया, मटन÷चिकेन बिरयानी, चिकेन मूठिया, मःमः, चाउमिन, भेज÷ननभेजका साथै चिसो पेय पदार्थ समेत उपलब्ध हुने हुसेनले वताए ।

५० जना अट्ने खुल्ला हल, मिटिङ्ग हल ५ वटा छुट्टाछुट्टै क्याबिन रहेको क्याफेमा क्याबिन सेवा लिन चाहने ग्राहकले प्रति घण्टा २ सय रुपैयाँ शुल्क तिर्नुपर्ने, २ हजारभन्दा बढी बिलमा ५% छुट, त्यसभन्दा कममा २% छुटको व्यवस्था रहेको छ ।

उक्त रेष्टुरेन्टले ह्यापिबर्थडे, एनिभर्सरी, र पार्टीका कार्यक्रमहरू आयोजना गर्न सकिने व्यवस्था पनि गरेको छ । आधुनिक शैली, शान्त वातावरण र स्वादिलो परिकारका कारण के.एस.एम. क्याफेले छोटो समयमा नै लोकप्रियता कमाउने अपेक्षा गरिएको छ ।